पूर्व विद्यार्थी भेला सम्पन्न

2019-05-04 13:00 Pokhara

पोखरा विश्वविद्यालय, स्कूल अफ हेल्थ याण्ड अलाइड साइन्सेजको पूर्व विद्यार्थी भेला सम्पन्न
———————————–

२०७६ वैशाख २१, पोखरा । पोखरा विश्वविद्यालय स्कूल अफ हेल्थ याण्ड अलाइण्ड साइन्सेजको आयोजनामा आज स्कूलको स्थापनाकाल देखि हालसम्म स्कूलबाट विभिन्न कार्यक्रम अध्ययन सम्पन्न गरेका पूर्व विद्यार्थीहरूको भेला आयोजित गरियो । कार्यक्रममा प्रमुख अतिथिको आसनबाट बोल्दै स्कूलका निर्देशक डा. डमरुप्रसाद पनेरुले भेलाले पूर्वविद्यार्थीहरूको संघ (एलुम्नाइ असोसिएसन) स्थापनामा सहजीकरण गर्ने तथा संघको स्थापना पश्चात् स्कूलका पूर्वविद्यार्थी तथा स्कूलका शैक्षिक क्रियाकलापमा बीच राम्रो सामञ्जस्य स्थापित हुने र यसले सबैलाई लाभ हुने बताउनुभयो ।

भेलाले विश्वविद्यालयको स्थापनादेखि स्वास्थ्यविज्ञान विषयका विभिन्न कार्यक्रम उत्तीर्ण गरेका विद्यार्थीहरूको संघ (अलुम्नाइ असोसिएसन) गठन गर्न सर्वसम्मत रूपमा डा. चन्दन श्रेष्ठको अध्यक्षतामा तदर्थ समितिसमेत गठन गरेको छ । तदर्थ समितिका नवनिर्वाचित अध्यक्ष डा. चन्दन श्रेष्ठले समितिले यथाशीघ्र संघको विधान मस्यौदा गर्ने, साधारणसभा आयोजना गर्ने तथा संघको वैधानिकरूपमा दर्ता गर्ने प्रक्रिया अघि बढाउने प्रतिबद्धता व्यक्त गर्नुभयो । यसैगरी तदर्थ समितिका उपाध्यक्ष बिन्दु मल्लले अलुम्नाइ असोसिएसनलाई सबै पूर्व विद्यार्थीले आआफ्नो स्थानबाट सहयोग गर्ने विश्वास व्यक्त गर्नुभयो । कार्यक्रममा स्कूल अफ हेल्थ याण्ड अलाइड साइन्सेजबाट बि.फार्म. बि.एस्सि.एमएलटि बिपिएच, बिएस्सी नर्सिङ, एमफार्म तथा एमपिएच कार्यक्रम उत्तीर्ण गरी बिभिन्न संस्थाहरूमा कार्यरत पूर्व विद्यार्थीहरूको सहभागिता रहेको थियो ।

भेला स्कूल अफ हेल्थ याण्ड अलाइड साइन्सेज पोखरा विश्वविद्यालय अलुम्नाइ समितिका संयोजक उप प्रा. अतिस कौण्डिन्न्यायनको सभापतित्वमा सम्पन्न भएको थियो भने भेलाको सञ्चालन उप प्रा. विजय सुवेदीले गर्नुभएको थियो ।
स्कूल अफ हेल्थ याण्ड अलाइड साइन्सेज, पोखरा विश्वविद्यालय भूतपूर्व विद्यार्थी संघ
(अलुम्नाइ असोसिएन) स्थापनाका लागि तदर्थ समिति यसप्रकार रहेको छ ।

अध्यक्ष: डा. चन्दन श्रेष्ठ
उपाध्यक्ष: बिन्दु मल्ल
सचिव: विजय सुवेदी
सहसचिव: सन्दीप पहारी
कोषाध्यक्ष: रस्मीता रेग्मी
सदस्य: मनोज सिग्देल
सदस्य: मदन बराल
सदस्य: नवराज पौडेल 
सदस्य: विश्वास सुवेदी