अभिमुखीकरण तथा सामाजिकिकरण कार्यक्रम
पोखरा विश्वविद्यालय,स्वास्थ विज्ञान संकाय , स्कुल अफ हेल्थ एन्ड एलाईड साइन्सेज मा बर्ष २०२५ का नबआगन्तुक विद्यार्थीलाई अभिमुखिकरण तथा सामाजिकिकरण कार्यक्रम पोखरा महानगरपालिका महेन्द्रपुल स्थित पोखरा पार्टि प्यालेस एन्ड क्याट्रिङ सर्भिसमा मिति २०८१-०९-२८ गते आईतवार, स्कुल अफ हेल्थ एन्ड एलाईड साइन्सेजका निर्देशक विमला भट्टको सभापतित्वमा सम्पन्न भएको छ । पानसमा बत्ती बाली औपचारिक कार्यक्रमको समुउद्वघाटन गर्नु भएका प्रमुख अतिथि तथा स्वास्थ विज्ञान संकायका डीन डा. अमर नागिलाज्यूले सबैमा शिक्षाको पहुच स्थापना गर्न विश्वविद्यालयमा स्नातक देखि विद्यावारिधी सम्मका विषयहरुमा अध्ययन गर्ने अवसर खुल्ला रहेको जनाउनु भएको थियो ।
स्कूल निर्देशक विमला भट्टज्यूले यस स्कुलले कुल ८७६ विद्यार्थीहरु मध्ये सात सय भन्दा बढि विद्यार्थी छात्रवृत्तिमा र बाँकी विद्यार्थी शुल्क तिर्ने गरि भर्ना भएको भन्दै स्कूललाई जेहेन्दार तथा आर्थिक रुपमा विपन्न, अपाङ्ग, महिला, मुस्लिम,आदिवासी जनजाति, सीमान्तकृत र भौगोलिक रुपमा सबै जिल्लाको प्रतिनिधित्व हुने गरी शैक्षिक थलोको रुपमा बिकास गर्दै गएको र शहर देखि गाउँका दूर दराज सम्म पुगि स्वास्थ्य शिक्षाको पँहुच सबैमा स्थापित गर्न सधै प्रयासरत रहेको जानकारी दिनु भएको थियो
कार्यक्रममा विद्यार्थीहरूलाई फार्मेसीको महत्त्व साथै बौद्धिक पलायनका समस्या र समस्या समाधानका विषयमा महत्वपूर्ण भनाइ त्रिभुवन विश्वविद्यालयका प्राध्यापक डाक्टर बालमुकुन्द रेग्मी, नर्सिङ पेशाको भविष्य तथा अनुशासनको विषयमा वीर अस्पताल नर्सिङ निर्देशक संगीता श्रेष्ठ तथा खिमबहादुर खड्का गण्डकी प्रदेश स्वास्थ्य निर्देशनालयले आधुनिक स्वास्थ्य प्रणालमा स्वास्थ्यकर्मीको जिम्मेवारीको बारे महत्वपूर्ण भनाई राख्नु भएको थियो त्यस्तैगरी फिजियोथेरपि विभाग फिस्टेल अस्पतालका प्रमुख डा. खड्ग सिंह गुरुङले फिजियोथेरापीको महत्त्व तथा भविष्यको बारेमा प्रकाश पार्नुभएको थियो त्यसैगरी गण्डकी प्रदेश जनस्वास्थ्य प्रयोगशालाका ल्याब टेक्नोलोजिस्ट भूपदेभ भट्टले आधुनिक ल्याब जिम्मेवारी विधि तथा नेपालमा रहेका संविधानमा स्वास्थ्य सम्बन्धी व्यवस्थाको बारेमा आफ्नो भनाई राख्नुभएको थियो ।
कार्यक्रममा पोखरा विश्वविद्यालय अनुसन्धान केन्द्रका निर्देशक डा. नवराज धामी, प्राध्यापकहरु, कर्मचारी तथा विद्यार्थीहरुको उपस्थिति रहेको थियो । स्टुडेन्ट क्वालिटि सर्कलको समन्वयमा प्रस्तुत गरिएका नेपाली कला र संंस्कृति झल्कने नृत्य, गजलले कार्यक्रमलाइ थप मनोरन्जनात्मक बनाएको थियो । स्कूलमा क्रियाशील विभिन्न विषयका विद्यार्थीहरुका संस्थाहरु (
PUSPA, PUBMAS, APPS, PUPTAS) का अध्यक्ष तथा प्रतनिधिहरुले आफ्नो–आफ्नो विधाको महत्व बारे प्रष्ट्याउनु भएको थियो । साथै कार्यक्रमको सञ्चालन स्कूलका उप–प्राध्यापक अतिसम्मोदवर्धन कौण्डिन्न्यायनद्वारा गर्नु भएको थियो ।