स्वागत तथा बिदाई कार्यक्रम सम्पन्न

पोखरा विश्वविद्यालय, स्वास्थ्य विज्ञान संकाय , स्कुल अफ हेल्थ एण्ड एलाइड साइन्सेज अन्तगर्तको विद्यार्थी क्लब Association of Pokhara University Public Health student (APPS) ले चिकित्सा शिक्षा आयोगको प्रवेश परीक्षाबाट छनौट भई स्नातक तहका कार्यक्रम BPH मा भर्ना भएका १५ औ र १६ औ ब्याचका नव आगन्तुक विद्यार्थीहरुको लागि स्वागत कार्यक्रम तथा १२ औ ब्याचका विद्यार्थीहरुका लागि विदाई कार्यक्रम मिति २०८१.०१.२८ गते पोखरामा सम्पन्न गरेको छ । पानसमा दिप प्रज्वलन गरी औपचारिक कार्यक्रमको समुउद्वघाटन गर्नु भएका प्रमुख अतिथि एवंम स्कुल अफ हेल्थ एण्ड एलाइड साइन्सेजका निर्देशक विमला भट्ट ज्यूले विद्यार्थीलाई प्रयोगात्मक ज्ञानको दायरा बढाउँदै समाजको वास्तविक यथार्थ अनुसार सुधारका पाईलाहरु चाल्न आग्रह गर्नु भएको थियो । सरकारले जनस्वास्थ्य जस्तो संवेदनशील क्षेत्रमा कार्यरत्त जनशक्तिको महत्व बुझे्र विदेशमा रहेका नेपाली दक्ष जनशतिलाई स्वदेशमै अवसर प्रदान गर्न आवश्यक नीतिगत तथा कानुनी पहल गर्नु पर्ने साथै ७५३ वटा स्थानीय निकायमा एक एक जनस्वास्थयकर्मीको आवश्यकता रहेको समेत बताउनु भयो ।
कार्यक्रममा, विद्यार्थी कल्याण तथा अतिरिक्त क्रियाकलाप निर्देशनालयका निर्देशक सन्तोष कुमार गुप्ता, प्राध्यापक, कर्मचारी तथा विद्यार्थीहरुको उपस्थिति रहेको थियो । कार्यक्रममा विद्यार्थीहरुले कविता वाचन ,गायन साथै नेपाली कला र संंस्कृति झल्कने नृत्यहरु प्रस्तुत गरेका थिए । कार्यक्रमको सञ्चालन विद्यार्थीद्धय प्रतिक रिजाल र आकृति महतले गर्नु भएको थियो ।