अभिमुखीकरण तथा सामाजिकीकरण कार्यक्रम

2024-04-28 10:00 AM Pokhara

पोखरा विश्वविद्यालय, स्वास्थ्य विज्ञान संकाय , स्कुल अफ हेल्थ एण्ड एलाइड साइन्सेजले शैक्षिक सत्र २०८०/८१      ( Spring 2024) मा चिकित्सा शिक्षा आयोगको स्नातकोत्तर तहको प्रवेश परीक्षाबाट छनौट भई स्नातकोत्तर तहका कार्यक्रमहरु (M.Pharm.,  MPH,Msc. MM/MB, ) मा भर्ना भएका नव आगन्तुक विद्यार्थीहरुको लागि अभिमुखीकरण कार्यक्रम तथा शैक्षिक सत्र २०७९। ०८० (२०२३) मा भर्ना भई अध्ययनरत विद्यार्थीहरुलाई सामाजिकीरण कार्यक्रम मिति २०८१.०१.१६ गते पोखरामा सम्पन्न गरेको छ । पानसमा दीप प्रज्वलन गरी  औपचारिक कार्यक्रमको समुद्घाटन गर्नु भएका प्रमुख अतिथि तथा गण्डकी प्रदेश सामाजिक विकास तथा स्वास्थ्य मन्त्रालय, स्वास्थ्य निर्देशनालयका  महानिर्देशक खिम बहादुर खड्का ज्यूले विश्वविद्यालयले शहरका बस्ती–बस्ती देखि गाउँका दुर दराज सम्म पुगी हाम्रो समाजको वास्तविक स्वास्थ्य अवश्था पत्ता लगाई सोही अनुरूप पाठ्यक्रम तयार गरी समाज सुहाउँदो  स्वास्थ्य शिक्षाको विकास गर्न विद्यार्थीहरुलाई प्रयोगात्मक र जीवनउपयोगी ज्ञान दिनुपर्ने बताउनु भयो । प्रदेश जनस्वास्थ्य प्रयोगशालाका प्रमुख मेडिकल ल्याब्रोरोटोरि टेक्नोलोजिस्ट भूपदेव भट्टले विद्यार्थी सिकाइमा आजीवन विद्यार्थी रहनुपर्ने भन्दै विद्यार्थी जीवनका भोगाई र संर्घषका कथा सुनाउदै सहभागीहरुलाई उत्साहि बनाउनु भएको थियो । गण्डकी विश्वविद्यालय अनुसन्धान, आविष्कार तथा नवप्रवर्तन केन्द्रका कार्यकारी निर्देशक डा.राज कुमार थापाले विद्यार्थीले धैर्य र लगनशीलतालाई आत्मसाथ गर्दै खोज अनुसन्धानमा लाग्नका लागि विद्यार्थीहरूलाई आग्रह गर्नु भएको थियो । दक्ष स्वास्थ्यकर्मीहरुको अभावले देशकै समग्र स्वास्थ्य क्षेत्रनै प्रभावित हुन गई  जनस्वास्थ्यमा गम्भिर असर पर्ने भन्दै  शिक्षाको गुणस्तर वृद्धिमा विश्वविद्यालय  निरन्तर लागिरहेको  तथा यस स्कूलमा स्नातकोत्तर तहमा पूर्ण छात्रवृत्ति र स्नातक तहमा  बहुसङ्ख्यक विद्यार्थी छात्रवृत्तिमा अध्ययन गरिरहनु सबैको लागि गौरवको विषय भन्दै कार्यक्रम सभाअध्यक्ष तथा स्कूल अफ हेल्थ एण्ड एलाइड साइन्सेजका निर्देशक विमला भट्ट ज्यूले धनि र गरिब सबैको साझा शैक्षिक थलो पोखरा विश्वविद्यालय देशकै गहनाको रुपमा रहेको बताउनु भयो ।

कार्यक्रममा पोखरा विश्वविद्यालय परीक्षा नियन्त्रण कार्यालयका परीक्षा नियन्त्रक डा.तुल्सीराम भण्डारी, स्कूल अफ बिजनेसका निर्देशक डा. सृजन ज्ञवाली, विद्यार्थी कल्याण तथा अतिरिक्त क्रियाकलाप निर्देशनालयका निर्देशक सन्तोष कुमार गुप्ता, सह परीक्षा नियन्त्रक दीपक न्यौपाने लगायतका पदाधिकारीहरु, प्राध्यापकहरू, कर्मचारी तथा विद्यार्थीहरूको  उपस्थिति रहेको थियो स्टुडेन्ट क्वालिटि सर्कलको समन्वयमा प्रस्तुत गरिएका नेपाली कला र संंस्कृति झल्कने नृत्यहरुले कार्यक्रमलाई थप मनोरन्जनात्मक बनाएको थियो । स्कूलमा संचालित छुट्टा छुट्टै कार्यक्रम अन्तर्गत गठित विद्यार्थी क्लबहरु (APPS, PUSPA, PUBMAS, PUPTAS) का अध्यक्ष तथा प्रतनिधिहरुले आफ्नो–आफ्नो विधाको महत्वमाथि प्रकाश पारेका थिए । कार्यक्रमको प्रथम सत्र स्कूलका उप–प्राध्यापक अतिसम्मोदवर्धन कौण्डिन्न्यायनद्वारा सञ्चालन भएको थियो भने कार्यक्रमको दोस्रो अनौपचारिक सत्रको सञ्चालन  उप–प्रा ध्यापक विश्वास आचार्यले गर्नु भएको थियो ।